Aleksandr Anatoljevitsj Kerzjakov () er ein russisk fotballspelar som spelar som spiss for Zenit St. Petersburg i den russiske fotballigaen, og for det russiske landslaget.
Kerzjakov vart kåra til årets unge spelar i Russland i 2002. I 2010 vart han seriemeister i Russland med Zenit St. Petersburg. Han debuterte for Russland sitt A-landslag 27. mars 2002 i ein privatlandskamp mot Estland. Han var med i Russland sin tropp til fotball-VM i 2002, der han spelte éin kamp som innbytar. Han skåra det første landslagsmålet sitt i ein privatlandskamp mot Sverige 21. august 2002. Han var med i Russland sin tropp til fotball-EM i 2004, der han spelte éin kamp. Han var Russland sin toppskårar i kvalifiseringskampane til fotball-EM i 2008, med fem mål, men han var ikkje med i troppen til sjølve meisterskapen.
Kerzjakov er gift og har éi dotter. Veslebroren hans, Mikhail, er òg profesjonell fotballspelar, med U21-landskampar for Russland.
Kategori:Russiske fotballspelarar Kategori:Zenit St. Petersburg-spelarar Kategori:Sevilla-spelarar Kategori:Dinamo Moskva-spelarar Kategori:Spelarar i Fotball-EM 2004 Kategori:Spelarar i Fotball-EM 2012 Kategori:Spelarar i Fotball-VM 2002 Kategori:Spelarar i Fotball-VM 2014